- البروكر المحترم بيكون على مسافة واحدة من كل الشركات أهم حاجة عنده إنك تكون راضي وهو بيعرض لحضرتك الأنسب وبيسرد العيوب والمميزات وحضرتك بتختار المناسب لإمكانياتك. إنما الديفلبر هيجبلك المتاح ويقنعك إنه هيوفرلك الأنسب ليك ولأسرتك دلوقتي وقدام.
- البروكر المحترم بيساعدك في الاختيار والوصول لأنسب عرض وبيوفر عليك وقت ومجهود اللف على كل شركات الديفلبر في المنطقة اللي حضرتك عايز تشتري فيها وبيكون مستشار لحضرتك.
- البروكر المحترم بيكون عامل زي ابلكيشن طلبات بالظبط بتدخل السعر والوجبة اللي نفسك فيها وبيفتحلك كل الخيارات والمطاعم المتاحة وكمان بيسهل عليك تشوف كل حاجة وانت فمكانك إنما الديفلبر البرايمري مفيش قدامك غير مشروع أو اتنين وبتضطر تتفسح شوية عشان تفهم كل حاجة خاصة بالشركة دي فانت كده بتشتري وقتك وتعبك لما تتعامل مع بروكر.
- مينفعش المطور يلعب بيك طول ما حضرتك معاك بروكر محترم لإن المطور بيعمل ألف حساب للبروكر علشان أولا حافظ السوق بالمنافسين بتوعه ولو حصل أي تلاعب أو مبالغات في حقك هيروح بيك على المنافسين بأكتر من بديل محترم. والأهم بيكون عامل حساب البروكر علشان انت مش أول ولا آخر عميل هيجيبه البروكر فبيحاول يطلع لحضرتك أحسن ما عنده علشان يرضيك ويرضي البروكر.
- البروكر في البرايمري بيكون ولائه للعميل مش الدڤيلبر لكن السيلز ف الدفيلبر بيكون ولائه للشركة اللي شغال فيها يعني السيلز الدفلبر بتكون شهادته مجروحة ف الشركة بتاعته وهيبيعلك مشروعه إنه أفضل مشروع ومصلحته في وحدة تشتريها وبس. إنما البروكر بيشتريلك وبيكسبك كعميل وبيكسب ثقتك في إنه يختارلك اللي انت محتاجه لإنه معاه كل المشاريع ولأنها سهلة قدامه إنه يلبي لك احتياجك لأن عنده اوبشنز كتير إنما سيلز الدفلبر هيخلقلك احتياجات ليك ممكن تكون في غنا عنها عشان يبيعلك مشروع شركته اللي هي مصدر رزقه.
- البروكر في مشروعات البريمري أو off plan project مش بياخد عمولة من العميل ودي نقطة مهمة جدا وأغلب العملاء متعرفش المعلومه دي، وهو كده بيحصل على استشارة مجانية بدون عمولة فهو مستفاد في كل الحالات.
- دور البروكر المحترم إنه يوفر لحضرتك وقت لمعرفة المقومات اللازمه للشراء في الموقع ده، ويعرض عليك الأفضل ليك بناء على مجموعة تحليلات بناء على أكثر من عامل رئيسي تختار بناء عليهم المكان، وعوامل أخرى اللي يحددوا إذا كان السعر المعروض مناسب ولا غالي وأيضا لفت الانتباه لأهم النقاط عند التعاقد.
- بالظبط زى لما بتروح لمحامي يترافع فالقضية بتاعتك وانت أكتر واحد عارف قضيتك بس بتروح له علشان هو بيفهم أكتر في القانون وازاي هيكسبك القضية وهنا أهمية البروكر هو اللي فاهم السوق بيخيرك وبيوجهك على حسب خبرته ودراسته للسوق والأنسب ليك كعميل علشان متخسرش فلوسك فهو بيقدملك استشارة عقارية بيفتحلك السوق قدامك.
- البروكر مش بس بيلبي لك كل طلباتك ده كمان بيفهمك بصفته استشاري ايه الأنسب ليك لو ناوي تستثمر وبيوضحلك ايه هي العوامل اللي بتنجح أى استثمار وبيتعمق كمان للنشاط بتاعك ويختارلك المنطقة اللي تناسب نشاطك لضمان نجاحه. والبروكر الشاطر بيكون على دراية كاملة بالسوق ومتطلباته فيما يخص الاستثمار العقاري ودراسة العائد على الاستثمار ROI. ولومش حابب تستثمر وعاوز حاجة ليك برضه بيدرسها معاك ويبتدي يوضحلك أولويات تشترى بيها وحدتك من خلال أسئلة بيطرحها عليك توضحلك وتسهل لك الاختيار.
- البروكر بيكون معاك حتى بعد ما تشتري علشان لو بتستثمر أو بتأجر أو عايز تعيد بيعه تاني بيكون البروكر معاك ومتابع معاك على طول ومش بس كده، ده بيكون مستشار عقاري ليك وللأسرة في حالة شراء أي عقار في المستقبل.
